Den Norske Dokumentarfilmfestivalen blir i år arrangert for fjortande gong. Festivalen er den største og eldste dokumentarfilmfestivalen i Noreg, og gjekk av stabelen fyrste gong i 1997. Det var Ole Jacob Andersen som starta det heile, då han gjekk på dokumentarfilmlinja ved Høgskulen i Volda.
Omgitt av flotte fjell og vakker natur, møtast filmskaparar og publikum kvar vår i Volda, for å sjå dokumentarfilm og for å bli inspirert av kvarandres arbeid. Frivillige studenter ved høgskulen er drivkraften bak festivalen, med god hjelp frå sponsorar og lokale krefter.
Fleire prisar blir delt ut under festivalen. Beste norske dokumentarfilm, beste internasjonale dokumentarfilm, beste studentproduksjon, og publikumsfavoritten får den etterkvart så tradisjonsrike Flugeprisen.