Dokfilm 2012 » Steffen

Pitchetevling

Steffen — Sat, 04 Feb 2012 17:22:37 +0000

I Pitchetevlinga inviterer me nye dokumentarfilmskaparar til å konkurrera om å få støtte til utvikling av eigne filmprosjekt. Åtte deltakarar blir valt ut til å leggja fram sitt innsende prosjekt for eit panel, beståande av erfarne bransjefolk. Det vert sett av fem minutt til presentering, og fem minutt til spørsmål frå panelet. Tevlinga vil vera open for publikum.

For påmelding, send oss ei skildring av filmprosjektet som inneheld kva me får sjå i filmen (handling, hovudpersonar) og korleis de tenker filmen skal sjå ut (stil, oppbygging osv.). I tillegg kan det vere fint å få med bodskapen i filmen og kvifor dette er ein viktig film.

For eventuelle spørsmål, vennlegast ta kontakt med nestleiar Kristin Sævig.

Tlf: +47 48098710

Påmelding er 15.mars 2012.

Send skildringa av filmprosjektet som e-post til Kristin Sævig.

KortSagt

Steffen — Sat, 04 Feb 2012 17:21:53 +0000

Den Norske Dokumentarfilmfestivalen vil også i år invitere elever ved alle folkehøgskular og vidaregåande skuler i landet til å delta på kortfilmkonkurransen KortSagt. KortSagt inngår som ein del av Den Norske Dokumentarfilmfestivalen som finn stad i Volda 25. – 29. april 2012.

Etter 22.juli har me høyrt mykje snakk om ”meir openheit og meir demokrati”. Me inviterer elevane til å ytra si meining om det norske demokratiet, ytringsfridom og samfunnet i dag. Kva fungerer og kva fungerer ikkje? Korleis skal me få meir demokrati? Kva er bra/dårleg med ytringsfridommen? (Dette er nokre døme på spørsmål de kan ta utgangspunkt i.)

Filmane skal ha ein varigheit frå 3 – 5 minutt. Me veit av erfaring at dette vil vera ein særs god moglegheit til å høyra stemmene til ein del av befolkninga som ofte blir oversett i den offentlige debatten. Med filmen sender de med namn, alder og skule på dei som har vore med å laga filmen. Ti filmar blir plukka ut og vist under festivalen, onsdag 25. 04. Visninga vil vera open for alle, og me håpar at mange klassar vil ta turen for å høyre dei unge stemmene. Ein jury, med god fagleg kompetanse, vil her kåra vinnaren av KortSagt 2012. Elevane bak vinnarfilmen vil bli premiert (meir info om premien kjem seinare)

Invitasjonar skal no ha gått ut til alle skuler, og me håpar at så mange som mogleg vil delta på konkurransen. Viss din skule ikkje har mottatt invitasjon, eller de har andre spørsmål, venleg ta kontakt med Kristin Sævig.

Innsendingsfrist for konkurransen er 15. mars

Send 1 DVD til:
Høgskulen i Volda v/Den Norske Dokumentarfilmfestivalen
merk: “KortSagt”
Postboks 500
6101 VOLDA

Laurdagsfest

Steffen — Sat, 04 Feb 2012 17:20:29 +0000

Laurdagsfesten er eit av festivalvekas største høgdepunkt. Eller, tør me seie: eit av årets høgdepunkt i Volda? Du kan uansett ikkje gå glipp av god musikk, masser av bra folk og topp, topp stemning herifrå til månen!
Billettar:
Billettar til Laurdagsfesten må kjøpast separat. Meir info om kvar og når kjem seinare!

Folkefest

Steffen — Sat, 04 Feb 2012 17:18:56 +0000

Den årlege Folkefesten er ein lokal hending for store og små, som går av stabelen i Volda sentrum. Her er det duka for underhaldning, konkurransar for borna, gratis grillmat og mykje anna moro!
Meir detaljert program kjem seinare

Bransjefest

Steffen — Sat, 04 Feb 2012 17:16:43 +0000

Torsdag 26. april vert det arrangert Bransjefest på Røysløda. Her vert det matservering og ein har høve til å helsa på nye og gamle kjende. Arrangemanget er for alle som har film på programmet, studentar ved ein film/tv utdanning og anna bransjefolk.

For å melde deg på, send mail til leiar@dokfilm.no.

Doksnakk

Steffen — Sat, 04 Feb 2012 15:52:23 +0000

Doksnakk er Den Norske Dokumentarfilmfestivalens eiga foredragsserie. Her kjem dokumentarfilmskaparar, eller andre med relevant bakgrunn frå dokumentarfilmbransjen, for å prate om og dela sine eigne erfaringar om eit utvalt tema.